سومالىدا ئاپتوموبىل بومبا ھۇجۇمى يۈز بەردى

تۈركىيە ئاۋازى رادىيوسى خەۋىرى: ساقچى باشلىقى ئىبراھىم ئەلمى پايتەخت موقدىشۇغا يېقىن ئېلاشا بىياھا رايونىدا ھەربىي ئاپتوموبىللار ئۆتۈۋاتقان ئەسنادا قوش ئاپتوموبىل بومبا ھۇجۇمى يۈز بەرگەنلىكىنى، ۋەقەدە 6 ئادەم جېنىدىن ئايرىلغانلىقىنى، كۆپ ساندا ئادەمنىڭ يارىلانغانلىقىنى بىلدۈردى.

رايونغا خەۋپسىزلىك كۈچلىرىنىڭ ئەۋەتىلگەنلىكىنى بىلدۈرگەن ئەلمى، ۋەقەنىڭ تەكشۈرۈلۈۋاتقانلىقىنى قەيت قىلدى.

ھۇجۇمنىڭ جاۋابكارلىقىنى ئەششەباب تېررورلۇق تەشكىلاتى ئۈستىگە ئالدى.

دۆلەتنىڭ جەنۇبىدىكى نۇرغۇن يېزا – بازارنى ئىشغال قىلىپ كېلىۋاتقان ئەششەباب تەشكىلاتى، پات – پاتلا خەۋپسىزلىك كۈچلىرى ۋە پۇقرالارغا ھۇجۇم قىلىشنى داۋاملاشتۇرماقتا.