ispaniyede kataloniye musteqilliq terepdarliri namayish ötküzdi

ispaniyening sherqiy qismigha jaylashqan kataloniyediki musteqilliq terepdarliri barsélona bilen bir qatar katalan sheherliride namayishlarni ötküzdi.

1280362
ispaniyede kataloniye musteqilliq terepdarliri namayish ötküzdi

türkiye awazi radiyosi xewiri: ispaniyening sherqiy qismigha jaylashqan kataloniyediki qanunsiz rewishte ötküzülgen musteqilliqke alaqidar omumiy xelq bélet tashlash paaliyitining 2 yilliqini xatirilesh munasiwiti bilen barsélona bilen katalan sheherliride namayishlar ötküzüldi.

katalandiki musteqilliq terepdari ijtimaiy küchler bashchiliqidiki kataloniye milliy ansambili qatarliq orunlarning chaqiriqigha asasen ötküzülgen barsélonadiki namayishni katalan siyasiy partiyeliri qollap – quwwetlidi.

barsélona sheher merkizidiki kataloniye meyndanida bashlinip yawropa ittipaqi wakaletxanisining binasi aldida axirlashqan yürüshke minglarche kishi qatnashti.

«omumiy xelq bélet tashlash paaliyiti ötküzduq we ghelibe qilduq» dégen pilakatlar bilen musteqil kataloniye bayriqini kötürüp mangghan katalanlar, sotliniwatqan 12 neper katalan siyasetchi bilen ijtimaiy küchler bashqurushidiki organlarning bashliqlirining qoyup bérilishini telep qildi.

«bügün musteqilliq küni», «siyasiy mehbuslargha erkinlik» we «musteqilliq» dégendek shoarlarni towlighan katalan namayishchilarning, namayishni közitiwatqan ispaniyelik muxbirlargha naraziliq bildürüshi diqqetni tartti.

qanunsiz rewishte ötküzülgen musteqilliq toghrisidiki omumiy xelq bélet tashlash paaliyitining ikkinchi yilliqini xatirilesh munasiwiti bilen tarragona, girona, lléida, sabadél, wijqa oxshash kalatan sheherliridimu namayishlar ötküzüldi.


خەتكۈچ: #ispaniye , #musteqilliq , #katalan

مۇناسىۋەتلىك خەۋەرلەر