shahzade bin selman amérikadin seudi erebistangha esker yötkeshni muzakirleshti
amérika dölet mudapie ministiri mark éspér bilen seudi erbistan text warisi shahzade muhemmed bin selman seudi erebistangha herbiy qisim yollash meslisini muzakirileshti.
türkiye awazi radiyosi xewiri: seudi erebistan xewer agéntliqi «SPA» ning xewerlirige asaslanghanda, éspér bin selmangha téléfon qilip, seudi erebistangha amérika eskerlirini yollash meslisidiki mewjut belgilimiler heqqide pikir almashturghan.
éspér iranning rayondiki muqimliqni buzush xaraktéliq hujumchi siyasetlirini tormuzlash kéreklikini bildürüp, seudi erebistanning özini mudapie qilishigha hesse qoshush üchün kéreklik her qandaq ishni qilidighanliqini tekitlidi.
éspér seudi erebistanning amérika rehberlikidiki xelqara déngiz bixeterliki ittipaqigha qatnishish qararigha kelgenlikini medhiyelidi.
text warisi shahzade bin selman bolsa, seudi aramkogha tewe ikki néfit zawutigha qilinghan hujumning pütün dunyagha munasiwetlik mesile ikenlikini bildürüp, xelqara tinchliq we bixeterlikni qoghdash üchün qetiy iradini namayan qilishning zörürlikini bildürdi.
seudi erebistanning döletlik néfit shirkiti seudi aramkogha tewe ikki muessise 14 – sintebirde qoralliq uchquchisiz hawa appiratliri bilen hujum qilinghan we hujumdin kéyin ot ketken idi.
weqede adem ölüsh yaki yaridar bolush weqesi körülmigen bolup, yemendiki xusiylar élan qilghan yazma bayanatida, hujumning jawabkarliqini öz üstige alghan idi.
