трамп милләтчиликкә йүзлиниш тоғрулуқ чақириқта болди

түркийә авази радийоси хәвири: трамп бирләшкән дөләтләр тәшкилатиниң америка қошма иштатлириниң нийу йорк шәһиридә чақирилған 74 – нөвәтлик омумий кеңәш йиғинида қилған сөзидә, хәлқара җәмийәтни йәр шарилишишни рәт қилиш, миллий дөләтчилик вә милләтчиликкә йүзлинишкә чақирип мундақ деди: «әқил парасәтлик дөләт әрбаблири өз хәлқи вә дөлитини қоғдаш мәсилисини әң муһим ишлар күнтәртипигә киргүзиду. келәчәк йәр шарилишиш тәрәпдарлириға әмәс, вәтәнпәрвәрләргә тәәллуқтур.  шуни алаһидә тәкитләп өтимәнки, миллий дөләтләр қудрәт тепиши лазим. бу залдики һәрбир дөләтниң өз мәдәнийити вә тарихини қоғдаш һоқуқи бар. әгәр силәр әркинлик вә демократийәни халайдиған болсаңлар, игилик һоқуқуңларға мәһкәм йепишиңлар, тинчлиқни халайдиған болсаңлар, дөлитиңларни сөйүңлар. чүнки биз дөләтлиримизни сөйүш арқилиқ дунйани пүткүл милләтләр үчүн техиму йахши җайға айландуралаймиз.»