ruhani yadro söhbiti ötküzüshning aldinqi shertini otturigha qoydi
iran pirézidénti hesen ruhani, dölitining yadro pilanigha munasiwetlik mesililer toghrisida söhbet ötküzüsh üchün émbargolarning bikar qilinishining shert ikenlikini bildürdi.
türkiye awazi radiyosi xewiri: hesen ruhani, firansiye pirézidénti émanuél makronning téhran bilen washingtonni yarashturush tirishchanliqining, amérika pirézidénti donald tramp irangha yürgüzüwatqan émbargoni bikar qilghandila ünümining bolush mumkinchiliki barliqini éytti.
iran pirézidéntliq mehkimisining bu heqtiki bayanatigha qarighanda, amérikidiki taratqularning rehberliri bilen körüshken ruhani, téhran bilen washingtonning söhbet ötküzüsh éhtimalliqi toghrisida toxtilip, söhbetning, tramp yadro kélishimidin chékinip chiqqandin kéyin yürgüzüshke bashlighan émbargolar bikar qilinghan teqdirde ilgirilesh éhtimaliqi barliqini tekitligen we sözini dawamlashturup, «eger émbargolar bikar qilinsa, 5+1 (b d t ning 5 daimiy ezasi we gérmaniye) döletliri bilen söhbet ötküzüsh mumkin. makronning tirishchanliqliri tramp émbargolarni bikar qilghandila ünümge érisheleydu. küchlük bésim ishlitish siyasiti dégen nam astida yürgüzülüwatqan émbargolarning dawamlishishi, amérika qoshma ishtatlirining söhbet ötküzüshining aldinqi sherti süpitide turmaqta. bizning qarishimizche, aldi bilen barliq aldinqi shertler bikar qilinishi lazim» dégenlerni qeyt qilghan.
