xitay taliban heyiti bilen muzakirileshti

xitay tashqi ishlar ministirliqi talibanning aldinqi qatardiki rehberliridin gheni baradarning bashchiliqidiki heyet bilen xitay hökümiti mesullirining uchrashqanliqini bildürdi.

1274743
xitay taliban heyiti bilen muzakirileshti

türkiye awazi radiyosi xewiri: xitay tashqi ishlar ministirliqi bayanatchisi géng shuang paytext béyjingda ötküzülgen axbarat élan qilish yighinida, gheni baradarning bashchiliqidiki heyetning mushu bir qanche kün ichide qatarning paytexti dohadin xitaygha kelgenlikini bildürüp, tashqi ishlar ministirliqi mesullirining gheni baradar bilen afghanistanning hazirqi weziyiti we tinchliq muzakirilirining tereqqiyati üstide pikir almashturghanliqini qeyt qildi.

géng shuang: «xitay desleptin tartipla afghanistanning ehwaligha qattiq köngül bölüp kelmekte. tinchliq basquchlirining tereqqiyati üchün tirishchanliq körsetmekte. afghanistandiki munasiwetlik terepler bilen her daim uchur alaqeni dawamlashturup kelmekte. amérika bilen taliban otturisidiki muzakirilerning dawamlashturulushini, diyalog xaraktérlik muzakirilerde ching turush kéreklikini we qisqa waqit ichide dölet xaraktérlik muresse arqiliq tinchliq we muqimliqning emelge éshishini ümid qilimiz» dédi hemde xitayning bu mesilide ijabiy rol oynashni dawamlashturidighanliqini tekitlidi.

amérika pirézidénti donald tramp mushu ayning béshida amérika eskerlirining ölümini keltürüp chiqarghan kabuldiki hujum sewebidin taliban bilen dawamlishiwatqan tinchliq muzakirilirini tonglitip qoyghan hemde afghanistan pirézidénti eshref ghéni we bezi taliban mesulliri bilen kamp dawidta ötküzülüshi pilanlanghan mexpiy uchrishishni emeldin qaldurghanliqini jakarlighan idi.

taliban heyiti iyun éyidimu xitayda ziyarette bolghan idi.


خەتكۈچ: #muzakire , #taliban , #xitay

مۇناسىۋەتلىك خەۋەرلەر