tramp b d t yighinida köpligen döletlerning rehberliri bilen ayrim – ayrim körüshidu
amérika qoshma ishtatliri pirézidénti donald tramp birleshken döletler teshkilatining niyu yorkta chaqirilidighan omumiy kéngesh yighini dairiside köpligen döletlerning rehberliri bilen ayrim – ayrim körüshidu.
türkiye awazi radiyosi xewiri: amérika dairilirining bildürüshiche, pirézidént donald tramp birleshken döletler teshkilatining kéler hepte niyu yorkta chaqirilidighan 74 – nöwetlik omumiy kéngesh yighini dairiside, pakistan, polsha, singapor, jenubiy koréye, hindistan, yaponiye, ukraina, elssalwador, misir, iraq, engliye, we yéngi zélandiye qatarliq köpligen döletlerning rehberliri bilen ayrim – ayrim körüshidiken. yekshenbe küni birleshken döletler teshkilati bash merkizide ishqa ashurulidighan «yer shari xaraktérlik diniy erkinliklerni qoghdash chaqiriqi» témiliq paaliyette söz qilidiken. seyshenbe küni birleshken döletler teshkilati bash katipi antonio gutérrés teripidin bérilidighan chüshlük tamaq ziyapitige qatnishidiken, shu küni kechte diplomatik bir ziyapetke sahibxaniliq qilidiken. charshenbe küni gherbiy yérim shar ellirining rehberliri bilen birlikte « wénézuéla mesilisi» témiliq yighingha qatnishidiken. shu küni kechte niyu yorkta axbarat élan qilish yighini ötküzidiken.