bügün dunya tinchliq küni

türkiye awazi radiyosi xewiri: 21 – séntebir gitlér rehberlikidiki gérmaniye polshagha urush élan qilghan kün bolup, sabiq sowét ittipaqi lagéridigha eza döletler we türkiyede «dunaya tinchliq küni» süpitide tebriklinidu.

ikkinchi dunya urushidin kéyin qayta urush yüz bérishining aldini élish meqsitide birleshken döletler teshkilatining qurulushi asasiy jehettin nurghun urushning partlishi we yéyilishining aldini élishta muhim rol oynidi. shundaqtimu pat - pat rayonluq toqunushlar we urushlar otturigha chiqti.

birleshken döletler teshkilati qurulghan chaghda barawerlik pirinsipidin xaliy halda 5 dölet birleshken döletler teshkilati xewpsizlik kéngishini shekillendürdi. buni köpligen döletler  tenqid qilghan bolsimu, lékin xewpsizlik kéngishining 5 daimiy ezasi hazirghiche wezipe ötep kelmekte.  pelestin mesiliside körülginidek, bu 5 daimiy ezadin birersi tosalghu bolghan haman, ortaq qararlarning maqullinishi mumkin emes.

türkiye jumhuriyiti jumhur reisi rejep tayyip erdoghanning hemishe tekitlep kéliwatqinidek, «dunya 5 tinmu chong» pikri yéqinqi yillardin buyan barghanséri qollashqa érishmekte.

bizning birdinbir ümidimiz, dunya tinchliqini qoghdashta roli nahayiti zor bolghan birleshken döletler teshkilatining barawerlikni chiqish nuqta qilidighan we biterep meydanida ching turidighan saghlam bir qurulmigha ige bolushi, bu arqiliq pütkül dunyaning tinchliqi üchün xizmet qilishidur.

21 – séntebir dunya tinchliq küni mubarek bolsun!