иран пирезиденти вә ташқи ишлар министириға америка визаси берилди

иран ташқи ишлар министири җәвад зариф американиң нийу йорк шәһиридә өткүзүлидиған б д т омумий кеңишиниң йиғинлириға қатнишиду.

1273434
иран пирезиденти вә ташқи ишлар министириға америка визаси берилди

түркийә авази радийоси хәвири: иран ташқи ишлар министирлиқиниң байанатчиси аббас мусави таратқулардики американиң иран пирезиденти һәсән руһани вә ташқи ишлар министири җәвад зарифқа, б д т омумий кеңиши йиғинлириға қатнишиши үчүн виза бәргәнлики тоғрисидики хәвәрләргә қарита твиттерда байанат елан қилип, җәвад зарифниң бүгүн (20-сентәбир) әтигән нийу йоркқа қарап йолға чиққанлиқини билдүрди.

руһани вә һәмраһлиқидики һәйәтниң виза берилмигән тәқдирдә, б д т омумий кеңәш йиғинлириға қатнашмайдиғанлиқи елан қилинған иди.

америка малийә министирлиқи җәвад зарифни иран диний рәһбири айәтуллаһ али һамәнейниң намида хизмәт қилидиғанлиқини сәвәб көрситип, ембарго тизимликигә киргүзгән иди.

ембарголар җәвад зарифниң америкадики мал-мүлкини тоңлитиш, америкалиқларниң иран ташқи ишлар министири җәвад зариф билән һәр қандақ сода мунасивити орнитишни чәкләш вә җәвад зарифниң америкаға келишини чәкләшни өз ичигә алиду.

б д т мәркизигә саһибханлиқ қиливатқан американиң, б д т йиғинлириға қатнишиш үчүн нийу йоркқа баридиған дипломатларға виза бериш мәҗбурийити бар.

америка 2019 -йили ийул ейида б д т ниң бир йиғиниға қатнашмақчи болған иран ташқи ишлар министири җәвад зарифқа, б д т бинаси вә иранниң б д т дики даими вәкили ишханисиниң сиртиға чиқмаслиқ шәрти билән виза бәргән иди.

америка пирезиденти доналд трамп б д т дики учришишлар җәрйанида, иран пирезиденти һәсән руһани билән көрүшидиғанлиқи илгири сүрүлмәктә.



مۇناسىۋەتلىك خەۋەرلەر