seudi erebistan elchisi: jemal qashiqji jinayiti dölitimizning yüzidiki bir qara dagh

türkiye awazi radiyosi xewiri: bash elchi xalid bin bandar engliyening dölet qanili «BBC» ge bergen bayanatida, jemal qashiqjining öltürülishi üstide toxtilip, «texminen bir yil ilgiri istanbulda yüz bergen ishlar seudi erebistangha nisbeten shundaqla kültürimiz, xelqimiz we hökümitimizge nisbeten bir qara dagh boldi» dédi.

bash elchi jinayet heqqide, «kashki undaq bolmighan bolsa idi» dédi

seudi erebistanliq zhurnalist jemal qashiqji toy resmyetliri üchün 2018 – yili 2 – öktebirde seudi erebistanning istanbuldiki konsulxanisigha kirginide, wehshiylerje öltürülgen idi.

birleshken döletler teshkilati kishilik hoquq aliy komissarliqi teripidin iyun éyida élan qilinghan 101 betlik doklatta, «jemal qashiqjini qesten we pilanliq shekilde öltürülishige seudi erebistan jawabkar» dep jakarlanghan idi.

doklatta yene, seudi erebistan text warisi muhemmed bin selmannimu öz ichige alghan yuqiri derijilik mesullar heqqide tekshürüsh bashlash üchün ishenchlik pakitlarning barliqi tekitlengen idi.

doklatta, jemal qashiqjining öltürülishige dair toluqlima xaraktérliq jinayi ishlar tekshürülishining bashlitilishi kérekliki heqqide b d t bash katipi antoniyo guttérrésqa chaqiriq élan qilinghan we qashiqji jinayitige alaqidar émbargolarning text warisi we uning chet ellerdiki mal mülüklirinimu öz ichige alghan bolushi kérekliki tekitlengen idi.