amérika bilen söhbet ötküzmeymiz
iranning diniy rehbiri eli hamanéy amérika qoshma ishtatliri bilen héchqandaq bir sewiyede söhbet élip barmaydighanliqlirini éytti.
türkiye awazi radiyosi xewiri: hamanéy: iranning resmiy xewer agéntliqi (IRNA) ning xewer qilishiche, hamanéy paytext téhranda bergen bayanatida, mundaq dégen: «pirézidénttin tashqi ishlar ministirighiche barliq dölet erbablirining pozitsiyesi oxshash bolup, meyli ikki tereplik bolsun, meyli köp tereplik bolsun, amérika qoshma ishtatliri bilen qetiy söhbet ötküzmeymiz. amérika qoshma ishtatliri pirézidénti donald tramp irandiki öktichiler we yawropa ellirige irangha qarshi küreshning birdinbir yolining bésim ikenlikini ispatlashqa urunuwatidu. bu nuqtidin élip éytqanda, téhran hökümitining söhbet üstilige olturushi washington hökümitining bésimlirigha bash égishi hésablinidu. shu wejidin, amérika bilen qetiy söhbet ötküzmeymiz. amérika qoshma ishtatliri qilmishigha pushayman hem töwbe qilghan, depsende qilghan kélishimge qaytqan teqdirde kélishim üstilidiki bashqa döletler bilen birlikte muzakirilerge ishtirak qilishimiz mumkin. buning sirtida, niyu yorkta yaki bashqa bir yerde iran dairiliri bilen amérika dairiliri otturisida söhbet ötküzülüshi mumkin emes.»
مۇناسىۋەتلىك خەۋەرلەر
moskwadiki hujumda jénidin ayrilghanlarning sani ashti
rusiye paytexti moskwada yüz bergen térrorluq hujumida jénidin ayrilghanlarning sani 143 ke chiqti.