تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

xongkongdiki hökümetke qarshi namayish barghanséri keskinleshmekte

xongkong saqchiliri tünügünn (15-séntebir) ki namayishlarda, hökümetni qollighuchi guruppa bilen qarshi turghuchi guruppilarning bir- birige tömür kaltekler bilen hujum qilghanliqini we nurghun kishining yaridar bolghanliqini élan qildi.

xongkongdiki hökümetke qarshi namayish barghanséri keskinleshmekte

türkiye awazi radiyosi xewiri: xongkongda tünügün minglighan kishining qatnishi bilen hökümetke qarshi ötküzülgen keng kölemlik namayishlardin kéyin, xongkong hökümiti zorawanliqning hel qilish charisi emeslikini élan qildi.

xitayning xongkong alahide memuriy rayoni hökümiti teripidin élan qilinghan bayanatta, namayishchilarning hökümet binalirigha molotof (shishilik ot bombisi) atqanliqini, qatnashni tosup yollargha gülxan yaqqanliqi we bu xil zorawnliqqa yüzlinishining mesililerni hel qilishqa tirishishtin bekrek xelqqe  ziyan yetküzidighanliqini, shunga saqchilarning yash aqquzush bombisi we yuqiri bésimliq su ishlitip mudaxile qilghanliqini éytti.

xongkong saqchiliri tünügünki namayishlarda hökümetni qollighuchi guruppa bilen qarshi turghuchi guruppilarning bir - birige tömür kaltekler bilen hujum qilghanliqini, nurghun kishining yaridar bolghanliqini we saqchi qisimlirining yash aqquzush bombisi étishqa mejbur bolghanliqini ilgiri sürdi.

xongkongda tutqunlarni xitaygha qayturup bérish qanun teklipige qarshi namayish bashlinip, 15heptisige qedem qoyghanda, tünügün hökümetke qarshi guruppilardin ammiwi kishilik hoquq fironti keng kölemlik namayish orunlashturdi.

«Causeway Bay» rayonidin merkizi rayongha qarap yürüshke atlanghan namayishchilar yolda wan chay (Wan Chai) we (Admiralty) admiratliti dégen jayda hökümet binalirigha yéqin jaylargha molotof (shishilik ot bombisi) atti. 

xitay menbelik xewerlerde bildürülishiche, namayishchilar bezi yollarni taqap, soda saraylargha ziyan salghandin kéyin, wan chay (Wan Chai) we (Admiralty) admiratliti rayonlirida métro xizmettin toxtitilighan.

saqchilar namayishchilarni tarqilip kétishke chaqiriq qilghan. biraq, namayishchilar yürüshni dawamlashturghandin kéyin, saqchilar namayishchilargha bironiwik aptomobil, yuqiri bésimliq su we yash aqquzush bombisi bilen mudaxile qilghan, namayishchilarmu saqchilargha molotof (shishilik ot bombisi) we yol girwekliridiki xishlarni étip qarshiliq körsetken.

xongkongda iyun éyidin buyan ötküzülüwatqan namayishlarda 183 kishi narazetke élinghan bolup, aldinqi hepte ichidila yene 157 neper namayishchining nazaretke élinishi bilen bu san jemiy 340 qa chiqqan idi. 


خەتكۈچ: namayish , xitay , xongkong

مۇناسىۋەتلىك خەۋەرلەر