تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

әрәб дөләтлири вә тәшкилатлири «сауди арамко» ширкитигә қилинған һуҗумни әйиблиди

әрәб дөләтлири вә бу дөләтләр әза болған органлар, сәуди әрәбистан нефит ширкити – сауди арамко қармиқидики икки нефит завутиға қораллиқ учқучисиз һава аппарати билән қилинған һуҗумларни әйиблиди.

әрәб дөләтлири вә тәшкилатлири «сауди арамко» ширкитигә қилинған һуҗумни әйиблиди

түркийә авази радийоси хәвири: мисир ташқи ишлар министирлиқи, һуҗумни әйиблиди вә сәуди әрәбистанға хәвпсизлик вә муқимлиқни капаләткә игә қилиш йолида керәклик чариләрни йолға қойуш җәһәттә һәмдәм болидиғанлиқи билдүрди.

пәләстин пирезидентлиқ мәһкимиси, мәзкур һуҗумларниң райондики җиддийчиликни техиму улғайтивәткәнликини тәкитлиди.

ийорданийә падишаһи 2-абдуллаһ, сәуди әрәбистанлиқ мәнсәпдеши сәлман бин абдуләзиз билән телефон көрүшүп, сәуди әрәбистанниң дөләт хәвпсизликиниң ийорданийәниң дөләт хәвпсизликиниң бир парчиси икәнликини билдүрди.

кувәйт ташқи ишлар министирлиқи, хәлқара җәмийәтни бу хил һуҗумларниң алдини елиш үчүн техиму көп күч чиқиришқа чақирди.

бәйрәйин вә әрәб бирләшмә хәлипилики ташқи ишлар министирлиқлириму, һуҗумни әйибләп, сәуди әрәбистанниң сепидин орун алидиғанлиқлирини билдүрүшти.

әрәб әллири иттипақи, сәуди әрәбистанниң дөләтниң хәвпсизликини капаләткә игә қилиш йолида ташлайдиған һәрқандақ қәдәмни қоллайдиғанлиқини әскәртти.

ислам һәмкарлиқ тәшкилатиму йазма байанат елан қилип, җинайәт характеридики барлиқ һәрикәтләргә қарши икәнликини билдүрди вә сәуди әрәбистанни қоллайдиғанлиқини ипадилиди.

әрәб дөләтлири ташқи ишлар министирлири кеңиши баш катиплиқи вә әрәб парламентиму һуҗумни әйиблиди вә бу хил һәрикәтләрниң алдини елиш үчүн қәдәм ташлашқа чақирди.

сәуди әрәбистанниң миллий нефит ширкити «сауди арамко» ниң икки завати түнүгүн шу җай вақти саәт 04:00 тә қораллиқ учқучисиз һава аппаратиниң һуҗумиға учриғанлиқи, һуҗумдин кейин завутта от апити йүз бәргәнлики уқтурулғаниди.

қораллиқ учқучисиз һава аппаратлири билән қилинған һуҗумлардин кейин һечқандақ тәрәп очуқ – ашкара әйибләнмигән болсиму, йәмәндики һусийлар йазма байанат елан қилип, һуҗумни өзлириниң садир қилғанлиқиға ишарәт қилип өткәниди.



مۇناسىۋەتلىك خەۋەرلەر