pompiyo «saudi aramko» gha qilinghan hujumning arqisida iranning barliqini ilgiri sürdi

türkiye awazi radiyosi xewiri: amérika tashqi ishlar ministiri mayk pompéyo tiwittér adrési arqiliq bayanat bérip, iran pirézidénti hesen ruhani bilen tashqi ishlar ministiri muhemmed jewad zerifning diplomatiye bilen shughulliniwatqandek körünüwatqanliqini, biraq téhranning seudi erebistangha qilinghan 100 ge yéqin hujumning perde arqisida ikenlikini ilgiri sürüp, «jiddiychlikni peseytish toghrisida chaqiriqlar küchiyiwatqan bir peytte iran dunyaning énérgiye sahesige misli körülmigen shekilde hujumgha ötti. hujumlarning yemen tereptin qilinghanliqigha dair pakit yoq» dédi.

barliq döletlerni iranning hujumlirini ochuq – ashkara we roshen shekilde eyibleshke chaqirghan pompiyo, amérika qoshma ishtatlirining énérgiye bazarliridiki éhtiyajni eng yaxshi shekilde qamdashni dawamlashturush we téhranni hujumning jawabkari dep qarashni kapaletke ige qilish üchün shérikliri we ittipaqdashliri bilen birlikte heriket qilidighanliqini qeyt qildi.

seudi erebistanning milliy néfit shirkiti «saudi aramko» ning ikki zawati tünügün shu jay waqti saet 04:00 te qoralliq uchquchisiz hawa apparatining hujumigha uchrighanliqi, hujumdin kéyin zawutta ot apiti yüz bergenliki uqturulghanidi.

qoralliq uchquchisiz hawa apparatliri bilen qilinghan hujumlardin kéyin héchqandaq terep ochuq – ashkara eyiblenmigen bolsimu, yemendiki husiylar yazma bayanat élan qilip, hujumni özlirining sadir qilghanliqigha isharet qilip ötkenidi.