jon bolton wezipisidin qaldurulghan

amérika pirézidénti donald tramp irangha émbargolarni azaytish pikrige qarshi chiqqan dölet xewpsizlik meslihetchisi jon boltonni wezipisidin qaldurghan.

1268045
jon bolton wezipisidin qaldurulghan

türkiye awazi radiyosi xewiri: blumbérg (Bloomberg) amérika dölet xewpsizlik meslihetchisi jon boltonning wezipisidin qaldurulghanliqini xewer qildi.

 blumbérgning xewiride bildürülishiche, pirézidént tramp 9-séntebir (düshenbe) échilghan yighinda, mushu ay axirida niyu yorkta échilidighan b d t omumiy kéngesh yighinlirida iran pirézidénti hesen ruhani bilen körüshüshni kapaletke ige qilish üchün émbargolarni yenggillitishni teklip qilghan.

amérika maliye ministiri stéwén mnujén (Steven Mnuchin) bundaq qilghanda iran bilen muzakire yolining échilidighanliqini bildürgen we pirézidént trampni qollighan. jon bolton bolsa, qetiy qarshi chiqqan. buning bilen, pirézidént tramp xéli waqittin béri iran we wénézuéla mesililiride pikir ixtilapi barliqi déyiliwatqan jon boltonni wezipisidin qaldurushni qarar qilghan.

yene bezi menbelerde qeyt qilinishiche, aqsaray pirézidént tramp bilen ruhanining b d t omumiy kéngishi yighini jeryanida körüshüshi üchün teyyarliqlarni bashliwetken.

iranning émbargo yürgüzülüwatqan bolushigha qarimay, tramp-ruhani körüshüshini testiqlighan yaki testiqlimighanliqi hazirche éniq emes.

isirailiye dairiliri, nétanyahu hökümitining boltonning aqsaraydin ayrilishi bilen eng sadiq ittipaqdashliridin birini yoqitip qoyghanliqini qeyt qilmaqta.



مۇناسىۋەتلىك خەۋەرلەر