amérika térrorizmgha qarshi küresh jaza torining dairisini kéngeytti

amérika pirézidénti donald tramp, dölitining térrorizmgha qarshi küreshtiki jaza yürgüzüsh tori we dairisini kéngeytishni mezmun qilghan qararnamesini imzalidi.

amérika térrorizmgha qarshi küresh jaza torining dairisini kéngeytti

türkiye awazi radiyosi xewiri: amérika pirézidénti donald tramp, dölitining térrorizmgha qarshi küreshtiki jaza yürgüzüsh tori we dairisini kéngeytishni mezmun qilghan 11 – séntebir weqesidin buyanqi eng keng kölemlik özgertishler orun alghan qararnamesini imzalidi.

amérika dairiliri, 11 – séntebir hujumlirining 18 – yilida dunya miqyasida térrorizmgha qarshi küreshning dairisini kéngeytish üchün yéngi qedemlerni tashlashqa teyyarliq qiliwatqanliqini otturigha qoydi.

pirézidént donald trampning imzasi bilen ijra qilinishqa bashlighan pirézidéntliq mehkimisi qararnamesi, washington dairilirining térrorizmgha qarshi küreshte jaza dairisini kéngeytishni we peqet térrorchilarnila emes, bu unsurlargha yardemchi bolghan üchinchi kishi we orunlarghimu zerbe bérishni nishan qilidu.

tramp bu heqte yazma bayanat élan qilip, «amérika qoshma ishtatliri we shériklimiz, süriye we iraqta daéshning qolidiki jaylarni yüzde yüz qutquzdi, buningdin bashqa daésh, elqaide we hizbullahning dunya miqyasidiki maliye we heriket torlirini bitchit qilip tashlidi» dégenlerni qeyt qildi.

trampning pirézidéntliq mehkimisi qararnamesi bilen birla waqitta amérika xezine ishliri ministirliqimu daésh, elqaide, hamas we iran inqilab muhapizetchilirige oxshash teshkilatlarning yuqiri derijilik 15 kattibéshigha jaza yürgüzüshni mezmun qilghan bir qararini élan qildi.

ministirliqning bayanatida, süriyede elqaide bilen hemkarliq ornitiwatqan «hurrasuddin» namliq teshkilatning «xelqaraliq térrorluq teshkilatliri» tizimlikige kirgüzülgenliki eskertildi.

bayanatta, amérikining mezkur teshikilatlarni yéqindin közitishni dawamlashturidighanliqi tekitlendi we yéngi jazalarni jakarlash teyyarliqlirining dawamlishiwatqanliqi qeyt qilindi.


خەتكۈچ: térrorizm , amérika , tramp

مۇناسىۋەتلىك خەۋەرلەر