«tramp ruhani bilen shertsiz söhbet ötküzüshke teyyar»

amérika qoshma ishtatliri tashqi ishlar ministiri mayk pompéyo pirézidént donald trampning iran pirézidénti hesen ruhani bilen shertsiz söhbet ötküzüshke teyyar ikenlikini éytti.

«tramp ruhani bilen shertsiz söhbet ötküzüshke teyyar»

türkiye awazi radiyosi xewiri: pompéyo amérika qoshma ishtatliri xezine ishliri ministiri stéwén minuchin bilen birlikte, amérika qoshma ishtatliri pirézidénti donald tramp imzalighan we térrorizmgha qarshi  küreshke alaqidar émbargolarning dairisini kéngeytish nishan qilinghan qararname heqqide aqsarayda qoshma axbarat élan qilish yighini ötküzdi.

pompéyo bu yerde qilghan sözide, tramp bilen ruhanining mushu ayning axirliri niyu yorkta birleshken döletler teshkilati omumiy kéngishi yighinliri esnaisida körüshüp körüshmeydighanliqigha alaqidar soalgha jawab bérip, mundaq dédi: «pirézidént tramp iran pirézidénti hesen ruhani bilen shertsiz söhbet élip bérishqa teyyar ikenlikini éytti.»

amérika qoshma ishtatliri xezine ishliri ministiri stéwén minuchinmu, tramp bilen ruhanining söhbet élip bérishi toghruluq toxtalghanda, amérika qoshma ishtatlirining irangha hemmidin bekrek émbargo yürgüzgenlikini, buning ishqa yarighanliqini tekitlep mundaq dédi: «gerche pirézidént tramp iran pirézidénti hesen ruhani bilen shertsiz söhbet ötküzüshke teyyar ikenlikini bildürgen bolsimu, lékin téhrangha qarita keng dairilik bésim ishlitish paaliyetlirinimiznimu izchil dawamlashturimiz.»

amérika qoshma ishtatliri pirézidénti donald tramp ötken hepte birleshken döletler teshkilati omumiy kéngishi yighinliri qildi iran pirézidénti hesen ruhani bilen körüshüshni xalaydighanliqini bildürüp, mundaq dégenidi: «emma men körüshüp körüshmeydighanliqimizni bilmeymen. körüshüshimizmu mumkin, körüshmeslikimizmu mumkin. rastini éytqanda, iranning  iqtisadiy weziyiti barghanséri yamanlishiwatidu. biz bu mesililerni 24 ichide hel qilalishimiz mumkin.»


خەتكۈچ: söhbet , ruhani , iran , tramp , amérika

مۇناسىۋەتلىك خەۋەرلەر