«трамп руһани билән шәртсиз сөһбәт өткүзүшкә тәййар»

америка қошма иштатлири ташқи ишлар министири майк помпейо пирезидент доналд трампниң иран пирезиденти һәсән руһани билән шәртсиз сөһбәт өткүзүшкә тәййар икәнликини ейтти.

«трамп руһани билән шәртсиз сөһбәт өткүзүшкә тәййар»

түркийә авази радийоси хәвири: помпейо америка қошма иштатлири хәзинә ишлири министири стевен минучин билән бирликтә, америка қошма иштатлири пирезиденти доналд трамп имзалиған вә терроризмға қарши  күрәшкә алақидар ембарголарниң даирисини кеңәйтиш нишан қилинған қарарнамә һәққидә ақсарайда қошма ахбарат елан қилиш йиғини өткүзди.

помпейо бу йәрдә қилған сөзидә, трамп билән руһаниниң мушу айниң ахирлири нийу йоркта бирләшкән дөләтләр тәшкилати омумий кеңиши йиғинлири әснаисида көрүшүп көрүшмәйдиғанлиқиға алақидар соалға җаваб берип, мундақ деди: «пирезидент трамп иран пирезиденти һәсән руһани билән шәртсиз сөһбәт елип беришқа тәййар икәнликини ейтти.»

америка қошма иштатлири хәзинә ишлири министири стевен минучинму, трамп билән руһаниниң сөһбәт елип бериши тоғрулуқ тохталғанда, америка қошма иштатлириниң иранға һәммидин бәкрәк ембарго йүргүзгәнликини, буниң ишқа йариғанлиқини тәкитләп мундақ деди: «гәрчә пирезидент трамп иран пирезиденти һәсән руһани билән шәртсиз сөһбәт өткүзүшкә тәййар икәнликини билдүргән болсиму, лекин теһранға қарита кәң даирилик бесим ишлитиш паалийәтлиринимизниму изчил давамлаштуримиз.»

америка қошма иштатлири пирезиденти доналд трамп өткән һәптә бирләшкән дөләтләр тәшкилати омумий кеңиши йиғинлири қилди иран пирезиденти һәсән руһани билән көрүшүшни халайдиғанлиқини билдүрүп, мундақ дегәниди: «әмма мән көрүшүп көрүшмәйдиғанлиқимизни билмәймән. көрүшүшимизму мумкин, көрүшмәсликимизму мумкин. растини ейтқанда, иранниң  иқтисадий вәзийити барғансери йаманлишиватиду. биз бу мәсилиләрни 24 ичидә һәл қилалишимиз мумкин.»



مۇناسىۋەتلىك خەۋەرلەر