rusiye qisimliri  süriyede puqralargha hujum qildi

süriyede beshshar esed hakimiyitining qollighuchisi rusiyening idlibtiki puqrawi olturaq mehellilirige qilghan hujumlirida bir puqra hayatidin ayrildi.

rusiye qisimliri  süriyede puqralargha hujum qildi

türkiye awazi radiyosi xewiri: süriyediki herbiy öktichilerge ait ayropilan közitish orginining bildürüshiche, beshshar esed hakimiyitining qollighuchisi rusiyege ait urush ayropilanliri aridin 12 kün ötkendin kéyin idlibtiki puqrawi olturaq mehellilirini, jümlidin idlibning gherbiy shimalidiki derqush nahiyesige qarashliq dahir we kefer marés yézilirini bombardiman qilghan.

idlib puqrawi qoghdinish mesullirining bildürüshiche, hujumlarda bir puqra hayatidin ayrilghan.

beshshar esed küchliri kefrenbil nahiyesi, jerjenaz rayoni, xas, hazarin, riqaye, maar shimshe, tel minnés, maar shimarin yézilirini topqa tutqan.

türkiye bilen rusiye otturisida 2018 – yili 17 – séntebir küni kélishim layihesi  imzalanghandin buyan, idlib sürkilishni azaytish rayonida beshshar esed küchliri bilen rusiyening hujumlirida 219 i ayal, 341 i bala bolup, jemiy 1282 puqra jénidin ayrilghan.


خەتكۈچ: puqra , bombardiman , idlib , rusiye , süriye

مۇناسىۋەتلىك خەۋەرلەر