меркел: америка билән хитай оттурисидики йирикчиликләр йавропаға пайдисиз

меркел америка билән хитай оттурисида барғансери күчийиватқан йирикчиликләрниң вә шуниң билән бир вақитта, русийәниң геоистратегийәлик җәһәттин қайтидин күчлинишиниң, йавропа үчүн йилтизи чоңқур сәлбий ақивәтләрни пәйда қилидиғанлиқини ейтти.

меркел: америка билән хитай оттурисидики йирикчиликләр йавропаға пайдисиз

түркийә авази радийоси хәвири: германийә баш министири ангела меркел 2020-йиллиқ иамчот музакирәлири даирисидә, федератсийә парламентида сөз қилди. у йавропа дөләтлирини дунйадики чоңқур өзгиришләрниң қаршисида зич һәмкарлишишқа чақирди.

у: «америка билән хитай оттурисида барғансери ешиватқан йирикчиликләрниң, шуниң билән бир вақитта, русийәниң геоистратегийәлик җәһәттин қайтидин күчлинишиниң, йавропа үчүн йилтизи чоңқур сәлбий ақивәтлири бар. әнглийәниң йавропа иттипақидин чекинишиму йавропани аҗизлитиду» деди.

у дунйада бир тәрәптә һәрбий вә сийасий җәһәттин күчлүк болған вә барлиқ охшимайдиған көз қарашларниң болушиға қаримай, йавропаниң мәниви байлиқ системилири билән охшаш дәриҗидин ташқири күч-амириканиң барлиқини, йәнә бир тәрәптә йүкселиватқан иқтисади вә һәрбий күчкә игә хитайниң барлиқини билдүрүп, йавропаниң мундақ дунйада көп тәрплимиликни өз ичигә алған тәртип үчүн хизмәт қилиши лазимлиқини тәкитлиди.

у американиң соғуқ уруш дәвридикигә охшаш йавропани қоғдаш ролини үстигә алмайдиғанлиқини тәкрарлиди вә йавропани күчлүк болушқа чақирди.



مۇناسىۋەتلىك خەۋەرلەر