xongkongluq kishilik hoquq paaliyetchisi gérmaniyedin qollashni telep qildi

xongkongdiki namayishlarni orunlashturghuchi guruppilarning rehberliridin joshua wong gérmaniye hökümitining xongkongda saqchilar teripidin qiliniwatqan zorwanliqlarni qattiq eyiblishi lazimliqini jikilidi.

xongkongluq kishilik hoquq paaliyetchisi gérmaniyedin qollashni telep qildi

türkiye awazi radiyosi xewiri: xongkong alahide memuriy rayonida tutqunlarni xitaygha qayturup bérish qanun teklipining emeldin qaldurulishini telep qilip, aylardin buyan dawamlishiwatqan namayishlarni orunlashturghuchi guruppilarning rehberliridin joshua wong xongkongda eqelliy kishilik hoquq we démokratiye üchün küresh qilghanliqini éytti.

joshua wong paytext bérlindiki fédératsiye metbuat merkizide ötküzülgen yighinda, xongkongning yéqinqi weziyiti üstide toxtaldi.

joshua wong namayishlarning dawamlishidighanliqini bildürüp, «hazirmu eqelliy kishilik hoquqlirimiz we démokratiye üchün küresh qiliwatimiz» dédi. 

gérmaniye we gherb döletlirining xongkongdiki namayishlarni körmeske salmasliqi kéreklikini tekitlep, «xongkong yéngi soghuq urushning yéngi bérlinidur» dédi.

erkin saylamlarning asasiy qanunda belgilengen heq - hoquq ikenlikini eskertken joshua wong, biraq bu mesilide xitay hökümitining bergen wedilirige emel qilmighanliqini éytti.

joshua wong gérmaniye hökümitining xongkongda saqchilar teripidin qiliniwatqan zorwanliqlarni qattiq eyiblishi lazimliqini jikilidi we gérmaniyedin xongkong saqchiliri üchün éksport qiliniwatqan saqchi eslihelirini shundaqla xitay bilen bolghan soda munasiwetler heqqidiki muzakirilerni tonglitip qoyushni telep qildi. 


خەتكۈچ: namayish , gérmaniye , xongkong

مۇناسىۋەتلىك خەۋەرلەر