хоңкоңлуқ кишилик һоқуқ паалийәтчиси германийәдин қоллашни тәләп қилди

хоңкоңдики намайишларни орунлаштурғучи гуруппиларниң рәһбәрлиридин җошуа воң германийә һөкүмитиниң хоңкоңда сақчилар тәрипидин қилиниватқан зорванлиқларни қаттиқ әйиблиши лазимлиқини җикилиди.

хоңкоңлуқ кишилик һоқуқ паалийәтчиси германийәдин қоллашни тәләп қилди

түркийә авази радийоси хәвири: хоңкоң алаһидә мәмурий районида тутқунларни хитайға қайтуруп бериш қанун тәклипиниң әмәлдин қалдурулишини тәләп қилип, айлардин буйан давамлишиватқан намайишларни орунлаштурғучи гуруппиларниң рәһбәрлиридин җошуа воң хоңкоңда әқәллий кишилик һоқуқ вә демократийә үчүн күрәш қилғанлиқини ейтти.

җошуа воң пайтәхт берлиндики федератсийә мәтбуат мәркизидә өткүзүлгән йиғинда, хоңкоңниң йеқинқи вәзийити үстидә тохталди.

җошуа воң намайишларниң давамлишидиғанлиқини билдүрүп, «һазирму әқәллий кишилик һоқуқлиримиз вә демократийә үчүн күрәш қиливатимиз» деди. 

германийә вә ғәрб дөләтлириниң хоңкоңдики намайишларни көрмәскә салмаслиқи керәкликини тәкитләп, «хоңкоң йеңи соғуқ урушниң йеңи берлинидур» деди.

әркин сайламларниң асасий қанунда бәлгиләнгән һәқ - һоқуқ икәнликини әскәрткән җошуа воң, бирақ бу мәсилидә хитай һөкүмитиниң бәргән вәдилиригә әмәл қилмиғанлиқини ейтти.

җошуа воң германийә һөкүмитиниң хоңкоңда сақчилар тәрипидин қилиниватқан зорванлиқларни қаттиқ әйиблиши лазимлиқини җикилиди вә германийәдин хоңкоң сақчилири үчүн експорт қилиниватқан сақчи әслиһәлирини шундақла хитай билән болған сода мунасивәтләр һәққидики музакириләрни тоңлитип қойушни тәләп қилди. 



مۇناسىۋەتلىك خەۋەرلەر