хоңкоң валийси америкиға наразилиқ билдүрди

хитайниң хоңкоң алаһидә мәмурий райони валийси карре лам америка палатаси әзалириниң «хоңкоң сийасәт қануни» ға өзгәртиш киргүзүшни күнтәртипкә елип кәлгәнликигә наразилиқ билдүрди.

хоңкоң валийси америкиға наразилиқ билдүрди

түркийә авази радийоси хәвири: хитайниң хоңкоң алаһидә мәмурий райони валийси карре лам америка палатаси әзалириниң хоңкоңдики намайишлар сәвәбидин хоңкоңға сода санаәт саһәси бойичә алаһидә етибар беришни өз ичигә алған «хоңкоң сийасәт қануни» ға өзгәртиш киргүзүшни күнтәртипкә елип кәлгәнликигә наразилиқ билдүрди.

мәркизи сингапорда турушлуқ «Channel News Asia» телевизийә қанилиниң интрнет бетидә елан қилинған хәвәрдә билдүрүлишичә, валий карре лам һәптилик ахбарат елан қилиш йиғинида мухбирларниң мәсилә һәққидики соалиға җаваб берип, «бу хоңкоңниң ички ишиға арилишивалғанлиқ болиду. буниң һечқандақ һаҗити йоқ» дегән.

карре лам «асасий қанун» дәп атилидиған хоңкоң асасий қанунида районниң ташқи мунасвәтлиригә даир алаһидә аптономийә һоқуқи барлиқини әскәртип, «ташқи мунасивәт өзара мәнпәәтни асас қилиду. америка билән биз түзгән һәрқандақ келишим йаки америкилиқларниң хоңкоңға қарита чиқарғамақчи болған қануний бәлгилимилири һәргизму йалғуз хоңкоңниңла мәнпәәти үчүн болмайду» деди.

карре лам бүгүнки күндә америка билән хоңкоң оттурисидики өзара достлуқ мунасивәт сайисида хоңкоңда 1400 америка ширкитиниң паалийәт қиливатқанлиқини тәкитләп, «бу мунасивәт һәр икки тәрәпниң мәнпәәти үчүндур. һәммимизниң асасий қанунға риайә қилиш мәҗбурийитимиз бар» деди.



مۇناسىۋەتلىك خەۋەرلەر