кәрбалада үч күнлүк матәм елан қилинди

ирақниң кәрбала шәһиридә түнүгүн йүз бәргән қистақчилиқ нәтиҗисидә 31 кишиниң өлүп кериши сәвәблик үч күнлүк матәм елан қилинди.

кәрбалада үч күнлүк матәм елан қилинди

түркийә авази радийоси хәвири: кәрбала валий мәһкимиси тәрипидин бу һәқтә елан қилинған йазма байанатта, валий нәсиф әлғутәниң тәклипигә бинаән, һәмдә ирақ баш министири адил абдулмәһдиниң мақуллуши билән кәрбала вилайитидә ашурә паалийәтлири җәрйанида йүз бәргән қистақчилиқта һайатидин айрилғанлар үчүн үч күнлүк матәм елан қилинғанлиқи билдүрүлди.

кәрбалда түнүгүн ашурә мурасими җәрйанида йүз бәргән қистақчилиқ нәтиҗисидә 31 киши һайатидин айрилған, 100 киши йариланғаниди. вәқәдин кейин, ирақ баш министири адил абдулмәһди кәрбалаға йетип берип, алди билән, нәқ мәйданни көздин кәчүргән, арқидин дохтурханиға берип, йаридарларни йоқлиғаниди.



مۇناسىۋەتلىك خەۋەرلەر