һиндистан 1 милйон 900 миң кишини гиражданлиқтин чиқиривитидиған болди

асаслиқ көп қисми мусулманлардин тәшкил тапқан 1 милйон 900 миң киши «дөләтсиз» һалға чүшүп қилиштин әндишә қилмақта.

һиндистан 1 милйон 900 миң кишини гиражданлиқтин чиқиривитидиған болди

түркийә авази радийоси хәвири: һиндистан шималдики ассам өлкисидә гиражданлиқ тизимликиниң сиртида қалдуруп, һиндистан гиражданлиқидин пүтүнләй чиқирип ташлашни пиланлиған 1 милйон 900 миң кишини назарәт астида тутуш үчүн лагер йасимақта.

әнглийәдә чиқидиған «Independent» гезитиниң хәвиридә, һиндистан һөкүмитиниң ассам өлкисидә дөләтлик нупус ишлири идариси «NRC» ниң гираждлнлиқ тизимликиниң сиртида қалдурулған вә асаслиқ көп қисми мусулманлардин тәшкил тапқан 1 милйон 900 миң кишини назарәт астида тутуш үчүн лагер йасаватқанлиқи уқтурулди.

хәвәрдә, аз дегәндиму 10 лагер йасилидиғанлиқи вә лагерларниң һәр бириниң 3000 кишилик сеғимчанлиққа игә 7 путбул мәйдани билән тәң болидиғанлиқи билдүрүлди. 

тизимликтә исми болмиған кишиләр «дөләтсиз» дәп атилишидин әндишә қилмақта.

бирләшкән дөләтләр тәшкилати панаһланғучилар алий комиссари филиппо гиранди һеч кишиниң дөләтсиз қалмайдиғанлиқиға капаләтлик беришкә чақириқ қилиплар қалмастин, алақидар мәсулларни бу хәвпни төвәнлитидиған қәдәмләрни ташлашқа вә кишиләрни тутқун қилиш йаки чеградин қоғлап чиқириш қатарлиқ ишлардин узақ турушқа чақириқ қилған иди.



مۇناسىۋەتلىك خەۋەرلەر