хоңкоң һөкүмити намайшчиларға дийалог чақириқини тәкрарлиди

хоңкоң валийси кәррий лам тутқунларни хитайға қайтуруп бериш қанун тәклипиниң әмәлдин қалдурулидиғанлиқини җакарлиғанлиқиға қаримай, намайишларниң тохтавсиз давамлишиватқанлиқини көрүп, намайшчиларға қайтидин дийалог чақириқини тәкрарлиди.

хоңкоң һөкүмити намайшчиларға дийалог чақириқини тәкрарлиди

түркийә авази радийоси хәвири: кәррий лам хоңкоңда чақирған ахбарат елан қилиш йиғинида, буниңдин илгири қанун тәклипиниң әмәлдин қалдурулидиғанлиқини елан қилғанлиқи, хәлққә болған сәмимийитини намайан қилған бир һәрикәт болғанлиқини билдүрүп: «бизниң қаришимизчә, хоңкоң хәлқиниң мәнпәәти үчүн зораванлиқлар тохтитилиши лазим. хәлқ билән бивастә дийалог өткүзүшни бәкла арзу қилимиз. бизниң һазирқи әһвалмиз мана мушу» деди вә бивастә дийалог өткүзүш үчүн хәлқниң алдиға чиқидиғанлиқини җакарлиди.

кәррий лам: «йәнә бир қетим һәммимиз үчүн вә барлиқ хоңкоң хәлқи үчүн биринчи қилидиған ишимизниң хоңкоңға тинчлиқ вә интизам тәртип елип келиш икәнликини билдүрмәкчимән» деди вә районға чәт әлләрниң арилишишиниң һечқандақ зөрүрийити йоқлуқини ейтти. 

кәррий лам намайишчиларниң американи хоңкоң мәслисигә арлишишқа чақириқ қилиши үстидиму тохтилип, хоңкоңда 1400 гә йеқин америка ширкити барлиқини әскәртти вә америка билән хоңкоң оттурисидики келишимләрниң бир тәрәплик әмәс, икки тәрәп оттурисида өзара түзүлгәнликини тәкитлиди.

хоңкоңниң ички ишлириға арлишишниң пүтүнләй орунсиз икәнликини билдүргән кәррий лам, районниң асасий қануни сүпитидә қобул қилинған түпки қанун даирисидә қилишқа тегишлик вәзипилири вә мәҗбурйәтлири барлиқини қәйт қилди.

кәррий лам намайишлар давамлишиватқан ийун ейидин буйан иҗтимаий таратқуларда нурғунлиған йалған хәвәр, қуруқ гәп вә қутратқулуқларниң пәйда болғанлиқини билдүрүп: «һәммимиз, буниң ичидә һөкүмәт әмәлдарлириму бар, иҗтимаий таратқуларда айлинип йүргән мәлуматларни алмақтимиз. буларниң тоғра йаки әмәслики һәққидә әсли һәқиқәтни билиш үчүн қаттиқ диққәт қилишқа тоғра келиду» деди.



مۇناسىۋەتلىك خەۋەرلەر