һиндистан русийәгә «S-400» үчүн алдин пул тапшурди

һиндистан русийәдин сетивалмақчи болған «S-400» башқурулидиған бомба һава мудапиә системиси үчүн закаләт бәрди.

1266250
һиндистан русийәгә «S-400» үчүн алдин пул тапшурди

түркийә авази радийоси хәвири: русийә муавин баш министири йурий борисов, һиндистанға «S-400» башқурулидиған бомба һава мудапиә системиси сетип бериш үчүн керәклик закаләт пулини алғанлиқини билдүрди. 

йурий борисов русийә дөләт қанили «Rossiya 1» гә бәргән байанатида, һиндистанға «S-400» башқурулидиған бомба һава мудапиә системиси тапшуруш бериш вақтиға қаттиқ риайә қилидиғанлиқини ейтти.

«S-400» башқурулидиған бомба һава мудапиә системисини тапшурушни қисқа вақит ичидә башлашни пиланлиғанлиқини тилға алған йурий борисов «<S-400> ниң бәдилиниң алдинқи қисми тапшуруп елинди. башқурулидиған бомбиларни 18 йаки 19 ай ичидә башлаймиз» деди.

һиндистанға 5 батарийадин тәшкил тапқан җәмий 5 милйард 430 милйон долларлиқ «S-400» башқурулидиған бомба һава мудапиә системиси сетип бериш келишими икки дөләт оттурисида 2018йили өктәбир ейида имзаланған иди.

америка бу сода келишими давамлиқ қаттиқ тәнқид қилған вә һиндистанға әгәр русийә билән түзүлгән <S-400> келишимидин ваз кәчмисә, ембарго йүргүзидиғанлиқини билдүрүп, агаһландуруш бәргән иди.



مۇناسىۋەتلىك خەۋەرلەر