америка иранниң нефит парахотини «ембарго йүргүзүлидиғанлар тизимлики» гә киргүзди

америка қошма иштатлири иран инқилабий муһапизәтчиләр армийәсигә қаритилған ембарголарни дәпсәндә қилғанлиқи сәвәблик панама байриқи қадалған « Adrian Darya-1» намлиқ иранниң нефит парахотини «ембарго йүргүзүлидиғанлар тизимлики» гә киргүзди.

1261493
америка иранниң нефит парахотини «ембарго йүргүзүлидиғанлар тизимлики» гә киргүзди

түркийә авази радийоси хәвири: америка қошма иштатлири хәзинә ишлири министирлиқи тәрипидин бу һәқтә елан қилинған йазма байанатта, мәзкур парахотниң  иран инқилабий муһапизәтчиләр армийәсигә қарашлиқ «қуддус күчи» намлиқ тәшкилатқа нефит йәткүзүп бәргәнлики илгири сүрүлди.

байанатта қәйт қилинишичә, мәзкур нефит парахоти иран инқилабий муһапизәтчиләр армийәсигә қарашлиқ «қуддус күчи» намлиқ тәшкилатқа 2.1 милйон варил хам нефит йәткүзүп бәргән, шу сәвәбтин, бу парахот  америка қошма иштатлири тәрипидин «ембарго йүргүзүлидиғанлар тизимлики» гә киргүзүлгән.

америка қошма иштатлири ташқи ишлар министири майк помпейому аммиви ортақлишиш тор бети Twitter сәһиписидә, бу һәқтә елан қилған байанатида, мундақ деди: «иран ташқи ишлар министири муһәммәд җәвад зәриф < Adrian Darya-1> намлиқ парахотниң сүрийәгә бармиғанлиқи тоғрулуқ әнглийәгә капаләт бәрди. бирақ бу парахотниң сүрийәниң тартус портиға барғанлиқи һәққидә ишәнчилик ахбаратқа игимиз.»



مۇناسىۋەتلىك خەۋەرلەر