kerküktiki türkmenler merkiziy hökümettin qollashni telep qildi
iraq türkmen firontining bashliqi ershat salihi kerkükke qiliniwatqan térrorluq hujumlirigha qarshi türkmenlerdin teshkillengen qoghdash qismini küchlendürüshke chaqirdi.

türkiye awazi radiyosi xewiri: iraq türkmen firontining bashliqi ershat salihi 26-awghust (düshenbe) térrorluq teshkilati daéshning tawuk nahiyesige qilinghan hujum toghrisida bayanat élan qildi.
bayanatta: «hemmisi türkmenlerdin teshkillengen kerkük qoghdinish küchi küchlendürülüshi kérek» déyildi.
ershat salihi kerkük qoghdinish küchining iraq türkmen firontining qollishi bilen qurulghanliqini xatirilitip, iraq merkizi hökümitige tewe qisimlarning türkmen nahiye we bazarlirini yéterlik derijide qoghdiyalmighanliqini alahide tekitlidi.
u türkmenlerning öz rayonlirini qoghdash iqtidarigha ige bolghanliqi üchün qollashqa éhtiyajliq ikenlikini bildürdi.
u iraq merkiziy hökümitige qarashliq qisimlarning 2017-yili 16-öktebirde bashlighan herbiy herikitidin burun bölgünchi térrorluq teshkilati p k k ning tawuk nahiyesige orunlashqanliqini eskertip, p k k din tazilanghan nahiyening emdilikte térrorluq teshkilati daéshning hujum nishanigha aylanghanliqini qeyt qildi.
iraq dölet mudapie ministirliqining bayanatida, 26-awghust térrorluq teshkilati daéshning tawuktiki bir putbol meydanigha ménamiyot bilen hujum qilip, alte kishining ölümige, toqquz kishining yarilinishigha seweb bolghanliqi bildürülgen idi.
مۇناسىۋەتلىك خەۋەرلەر

firansiyede bir qawaqxanida partlash yüz berdi
firansiyening grénobl shehiridiki bir qawaqxanida partlash yüz bérip 2 si éghir 12 kishi yarilandi.