америка түркийәгә мунасивәтлик «F-35» мәсилиси тоғрисида байанат елан қилди

америка дөләт мудапиә министирлиқи (пентагон, бәш бурҗәклик бина) ниң мәслиһәтчиси еллен лорд (Ellen Lord) министирлиқта өткүзүлгән ахбарат елан қилиш йиғинида, түркийә билән оттурида чиққан «F-35» киризиси һәққидики соалға җаваб бәрди.

1258946
америка түркийәгә мунасивәтлик «F-35» мәсилиси тоғрисида байанат елан қилди

түркийә авази радийоси хәвири: америка дөләт мудапиә министирлиқи (пентагон, бәш бурҗәклик бина) ниң мәслиһәтчиси еллен лорд (Ellen Lord) түркийәниң «F-35» пирограммисидин чиқириливетиш мәсилиси үстидә тохтилип: түркийә иттипақдаш дөләт, бизниң истратегийәлик шерикимиз. шуңа, һәр даим сөһбәтлишишкә еһтийаҗимиз бар» деди.

у түркийәниң «F-35» пирограммиси даирисидә йасиған 900 дин артуқ запчасниң пүтүнләй америкада йасилидиғанлиқини, түркийә ширкәтлириниң 2020-йили март ейиғичә пирограмма үчүн запчас йасашни давамлаштуридиғанлиқини билдүрди.

у игидарчилиқи түркийәгә тәвә болған айропиланларниң һазирғичә луке һава армийә базисида икәнликини, айропиланларниң кейинки ақивитигә мунасивәтлик «һәр хил пиланлар үстидә» хизмәт қилиниватқанлиқини қәйт қилди.

у «F-35» пирограммисидин чиқириветилишиниң, түркийәниң америкадин башқа мәһсулатларни сетивелишиға тәсир йәткүзүп-йәткүзмәйдиғанлиқи тоғрисидиму тохталди. у мундақ деди:

«түркийә билән <F-35> мәсилиси вә башқа паалийәтлиримизни айрим тутимиз. бу мәсилә, очуқини ейтқанда, түркийәниң русийәдин сетивалған <S-400> системиси билән <F-35> мәсилиси иди.»

у, «түркийә пирограммидин чиқириветилгәндин кейин, пирограммиға қайта қатнишаламду?» дегән соалға: «S-400билән F-35 бир-биригә мас кәлмәйду. түркийә иттипақдаш дөләт, бизниң истратегийәлик шерикимиз. шуңа, һәр даим сөһбәтлишишни давамлаштуримиз» дәп җаваб бәрди.


خەتكۈچ: #пентагон , #S-400 , #F-35

مۇناسىۋەتلىك خەۋەرلەر