israiliye süriyediki irangha tewe herbiy nuqtilarni bombardiman qilghanliqini ilgiri sürdi

israiliye armiyesi, iranning süriyening paytexti demeshiqke yéqin jaydiki bezi herbiy nishanlirining bombardiman qilinghanliqini uqturdi.

israiliye süriyediki irangha tewe herbiy nuqtilarni bombardiman qilghanliqini ilgiri sürdi

türkiye awazi radiyosi xewiri: israiliye armiyesining metbuat ishliri ishxanisi bu heqte yazma bayanat élan qilip, tünügün kechte demeshiqning sherqiy shimalidiki eqreba baziri etrapida iran himayisidiki quddus birigadasining bezi orunlirining bombardiman qilinghanliqini bildürdi.

bayanatta, bombardiman qilinghan mezkur orunlarda, yéqinqi mezgillerde süriyedin israiliyege qoralliq uchquchisiz hawa apparatlirini ishlitip hujum qilishning pilanlanghanliqi ilgiri sürüldi.

yene bir tereptin beshshar esed hakimiyitige qarashliq xewer agéntliqi – sananing isimsiz bir herbiy menbeni tayanch qilghan xewiride, «saet 23 din 30 minut ötkende golan égizlikliri arqiliq demeshiq ayrodurumigha qarap kelgen düshmen nishanlirini bayqighan hawa mudapie sistémilirimiz hazirghiche düshmen israiliye bombilirining köpinchisini nishangha barmastinla yoqitip tashlidi» dégen ibarilerge orun bérildi.


خەتكۈچ: süriye , iran , israiliye

مۇناسىۋەتلىك خەۋەرلەر