tereqqiy qilghan 7 dölet guruhi bashliqlar yighini jeryanida onlarche adem nazaret astigha élindi

firansiyening gherbiy jenubidiki biarritz shehiride chaqirilghan 45 – nöwetlik tereqqiy tapqan 7 dölet bashliqlar yighini jeryanida 68 adem nazaret astigha élindi.

tereqqiy qilghan 7 dölet guruhi bashliqlar yighini jeryanida onlarche adem nazaret astigha élindi

türkiye awazi radiyosi xewiri: payrénéés – atlantik waliyliq mehkimisi yazma bayanat élan qilip, firansiyening sahibxanliqida chaqirilghan tereqqiy tapqan 7 dölet bashliqlar yighini dairiside 68 ademning nazaret astigha élinghanliqini uqturdi؛ biraq kimlerning qeyerde we qandaq sharait astida nazaret astigha élinghanliqi toghrisida melumat bermidi.

bu jeryanda yighin munasiwiti bilen bixeterlik tedbirliri alahide kücheytildi. térrorluq hujumi yüz bérip qélish éhtimalini nezerde tutup, 13200 saqchi we zhandarma xadimi bilen 450 ot öchürüsh xadimi wezipige teyinlendi.

yighingha qarshi paaliyetchiler biaritz etrapida namayishlarni ötküzmekte. saqchilar, bayonnéda tünügün xewpsizlik küchlirige herxil maddilarni atqan namayishchilargha gaz we yuqiri bésimliq su ishlitip mudaxile qilghanidi.

aldinqi küni, urrugnéda saqchilar bilen namayishchilar arisida sürkilish yüz bergen, weqe jeryanida 17 namayishchi nazaret astigha élinghan we 4 saqchi yénik yarilanghanidi.


خەتكۈچ: firansiye , 7 dölet guruhi

مۇناسىۋەتلىك خەۋەرلەر