тәрәққий қилған 7 дөләт гуруһи башлиқлар йиғини җәрйанида онларчә адәм назарәт астиға елинди

фирансийәниң ғәрбий җәнубидики биарритз шәһиридә чақирилған 45 – нөвәтлик тәрәққий тапқан 7 дөләт башлиқлар йиғини җәрйанида 68 адәм назарәт астиға елинди.

тәрәққий қилған 7 дөләт гуруһи башлиқлар йиғини җәрйанида онларчә адәм назарәт астиға елинди

түркийә авази радийоси хәвири: пайренеес – атлантик валийлиқ мәһкимиси йазма байанат елан қилип, фирансийәниң саһибханлиқида чақирилған тәрәққий тапқан 7 дөләт башлиқлар йиғини даирисидә 68 адәмниң назарәт астиға елинғанлиқини уқтурди؛ бирақ кимләрниң қәйәрдә вә қандақ шараит астида назарәт астиға елинғанлиқи тоғрисида мәлумат бәрмиди.

бу җәрйанда йиғин мунасивити билән бихәтәрлик тәдбирлири алаһидә күчәйтилди. террорлуқ һуҗуми йүз берип қелиш еһтималини нәзәрдә тутуп, 13200 сақчи вә жандарма хадими билән 450 от өчүрүш хадими вәзипигә тәйинләнди.

йиғинға қарши паалийәтчиләр биаритз әтрапида намайишларни өткүзмәктә. сақчилар, байоннеда түнүгүн хәвпсизлик күчлиригә һәрхил маддиларни атқан намайишчиларға газ вә йуқири бесимлиқ су ишлитип мудахилә қилғаниди.

алдинқи күни, урругнеда сақчилар билән намайишчилар арисида сүркилиш йүз бәргән, вәқә җәрйанида 17 намайишчи назарәт астиға елинған вә 4 сақчи йеник йариланғаниди.



مۇناسىۋەتلىك خەۋەرلەر