misir refah chégra éghizini taqiwetti
misir hökümiti, israiliyening muhasirisi astidiki ghezzening dunyagha échilidighan birdinbir ishiki hésablinidighan refah chégra éghizini 3 kün boyiche taqiwétishni qarar qildi.
1258072
türkiye awazi radiyosi xewiri: ghezzediki ichki ishlar ministirliqi yazma bayanat élan qilip, misir dairilirining bügündin bashlap refah chégra éghizini 3 kün boyiche taqiwétishni qarar qilghanliqini uqturdi.
bayanatta, taqiwétish sewebi toghrisida melumat bérilmidi, misirmu bu heqte héchqandaq bayanat élan qilmidi.
ghezzege échilghan 7 chégra éghizining misirning kontrolluqi astidiki refahtin bashqa altisini israiliye kontrol qilidu.
israiliye öz kontrolluqidiki chégra éghizlirining tötini uzun yillar ilgiri taqiwetken bolup, soda mehsulatlirini ötküzüsh üchün kerem ebu salimni, yoluchilarni ötküzüsh üchün beyt hanun chégra éghizini türlük cheklimiler astida échip kelmekte.
