трамп хитайдики америка ширкәтлирини қайтип келишкә чақирди

америка қошма иштатлири пирезиденти доналд трамп хитайдики америка ширкәтлирини қайтип келишкә чақирди.

трамп хитайдики америка ширкәтлирини қайтип келишкә чақирди

түркийә авази радийоси хәвири: трамп, хитайдики америка ширкәтлириниң узун йиллардин буйан наһайити көп пайдиға еришкәнликини, әмма америка қошма иштатлириниң хитай сәвәблик қанчә он тирилйон доллар зийан тартқанлиқини илгири сүрүп мундақ деди: «шуңа хитайдики чоң – чоң америка ширкәтлирини қайтишқа вә мәһсулатлирини буниңдин кейин америкида ишләпчиқиришқа чақиримән. хитай йилиға милйардларчә долларлиқ пикрий мүлкийәтлиримизни оғрилиди, буни изчил давамлаштурмақчи болуватиду. мән буниңға әсла йол қоймаймән. дөлитимизниң хитайға еһтийаҗи йоқ, һәтта хитай болмиса ишлиримиз техиму йахши йүрүшиду.»

америка қошма иштатлири пирезиденти доналд трамп «сода урушлири» ға алақидар талаш – тартишлар давамлишиватқан бир пәйттә, мушу айниң башлирида сентәбирдин етибарән 300 милйард долларлиқ хитай мәһсулатлириға % 10 қошумчә таможна беҗи қойидиғанлиқлирини җакарлиғаниди.

хитай америка қошма иштатлириниң бу қарариға қарита тегишлик җаваб қайтуридиғанлиқлирини уқтурғаниди.

хитай малийә министирлиқи, 75 милйард доллар қиммитики америка мәһсулатлиридин елиниватқан таможна беҗини  % 5 йаки % 10 ашуридиғанлиқлирини билдүргәниди.



مۇناسىۋەتلىك خەۋەرلەر