xongkong xelqara ayrodurumida namayish qilish cheklimisining waqti uzartildi

xitayning xongkong alahide memuriy rayonidiki xongkong xelqara ayrodurumida namayish qilish cheklimisining waqti uzartildi.

xongkong xelqara ayrodurumida namayish qilish cheklimisining waqti uzartildi

türkiye awazi radiyosi xewiri: xongkong radiyo-téléwiziye idarisi xewer qanili «RTHK» ning uqturishiche, xongkong aliy sot mehkimisi ayrodurumda ayropilan seperlirige tesir yetküzidighan yaki uchushqa tosqunluq peyda qilidighan paaliyetlerni chekleshke alaqidar hökmining mudditini ikkinchi höküm kelgenge qeder uzartqanliqini élan qilghan. 

xongkong aliy sot mehkimisi bu hökümni «ayrodurumda hökümetke qarshi namayishlar ötküzüshke bolidu» dégen sözler tarqilishqa bashlanghandin kéyin chiqarghan bolup, buning ayrodorumlarning xelqaradiki inawiti we shirketlerning menpeeti nuqtisidin muhim ikenliki tekitlendi.

xongkongda 3 aydin buyan toxtimay dawamlishiwatqan namayishlar, 12we 13awghust küni ayrodurumghiche kéngeygen idi. namayishchilar bilen saqchilar otturisda yüz bergen toqunush sewebidin yüzlerche ayropilan sepiri emeldin qaldurulghan idi.

buninggha qarita aliy sot mehkimisi shu heptisi ayrodurumda ruxsetsiz namayish qilishni chekligen we ayrodurumning belgilengen jayliridila namayish qilishqa ruxset qilghan idi.

xongkongda höküm élan qilinghan yaki jinayet bilen eyiblengen kishilerning xitaygha qayturup bérilishini asanlashturidighan qanun teklipi parlaménqa sunulghan we xelqning qattiq naraziliqigha uchrap namayishlar bashlinip ketken idi.


خەتكۈچ: namayish , xongkong , xitay

مۇناسىۋەتلىك خەۋەرلەر