gollandiyede öysizlerning sani 10 yilda ikki hesse ashti

gollandiye istatistéka idarisi élip barghan tekshürüshler netijside, gollandiyede 18 yashtin 65 yashqiche bolghan öysizler sanining 2009 – yilida 17800 kishi ikenliki, 2018 – yilida bolsa, 39300 ge örligenliki bildürüldi.

gollandiyede öysizlerning sani 10 yilda ikki hesse ashti

türkiye awazi radiyosi xewiri: öysizlerning %57 ning tégi köchmenlerdin terkip tapidighanliqi, tégi gherb döletliridin bolghan köchmen öysizler sanining bolsa, texminen 3 hesse éship, eslidiki 6500 din 18300 ge chiqqanliqi bildürüldi.

öysizlerning %16 ning ayallardin terkip tapidighanliqi tekitlengen tekshürüsh netijiside yene, 18 yashtin 30 yashqiche bolghan öysizler sanining 3 hesse ésip, eslidiki 4000 din 12600 ge chiqqanliqi qeyt qilindi.

öysizlerning %37 ning améstérdam, rottérdam, lehey we utrécht qatarliq chong sheherlerde yashaydighanliqi, gollandiyede qanunsiz turuwatqan öysizlerning bolsa, tekshürüsh netijisige kirgüzülmigenliki uqturuldi.

gollandiye salametlik, bayashatliq we tenterbiye ishliri ministirliqi meslihetchisi paul bilokhus dölet qanili «NOS» qa bergen bayanatida, bu sanliq melumatlarning ademni chöchitidighan sewiyede ikenlikini bildürüp, «gollandiyediki öysizlerning sanida chüshüsh emes, belki éshish körüliwatqanliqini bilettuq. lékin bundaq küchlük éshishning bolghanliqi epsuslinarliq bir ish. bay bir dölette insanlarni bir öyge ige qilalmighanliqimiz üchün numus qilishimiz lazim» dédi.

 


خەتكۈچ: öysizlar , köchmenler , gollandiye

مۇناسىۋەتلىك خەۋەرلەر