b d t: idlibning nöwettiki weziyiti 3 milyon puqraning bixeterlikini xewpke ittirishi mumkin

b d t bash katipi bayanatchisi dujarrik, süriyening gherbiy shimalidiki éghirlishiwatqan sürkilishning we idlibqa qiliniwatqan hujumlarning küchiyip kétishining 3 milyon puqraning bixeterlikini xewpke ittiridighanliqini éytip alaqidar tereplerni agahlandurdi.

b d t: idlibning nöwettiki weziyiti 3 milyon puqraning bixeterlikini xewpke ittirishi mumkin

türkiye awazi radiyosi xewiri: u kündilik muxbirlarni kütüwélish yighinida b d t  bash katipi antonio gutérrésning puqralargha, doxturxanilargha we mekteplerge qiliniwatqan hujumlarni eyibligenlikini bildürdi.

u, süriyening gherbiy shimalidiki éghirlishiwatqan sürkilish toghrisida toxtilip, «idlibqa qiliniwatqan hujumlarning küchiyip kétishi 3 milyon puqraning hayatigha tesir körsitidighan yéngi bir mesililer dolqunini peyda qilishi mumkin» dédi.

dujarrik, barliq tereplerni xelqara kishilik hoquqqa hörmet qilishqa chaqirip, rusiye bilen türkiye 2018 – yili hasil qilghan idlib kélishimige derhal qaytish kéreklikini tekitlidi.

u, toqunushlar sewebidin hamaning shimalida 15 ming ademning yurt – makanidin mehrum qilinghanliqini we yéqinqi 4 ayda yérim milyondin artuq ademning öy – makanlirini tashlap qéchishqa mejbur bolup qalghanliqini xatiriletken halda, «nurghun adem toqunushlar tüpeyli dölet ichide qétim makanidin mehrum qilindi, beziliri bolsa, on qétim turmush kechürüwatqan yérini tashlap kétishke mejbur bolup qaldi» dédi.


خەتكۈچ: idlib , süriye , b d t

مۇناسىۋەتلىك خەۋەرلەر