xitay amérikigha tehdit saldi

xitay eger amérika hökümiiti teywenge omumiy qimmiti 8 milyard dollarliq 66 dane «F-16» urush ayropilani sétip bérish qararidin waz kechmise, amérikining bu sodigha chétishliq barliq shirketlirige émbargo yürgüzidighanliqini élan qildi.

xitay amérikigha tehdit saldi

türkiye awazi radiyosi xewiri: xitay tashqi ishlar ministirliqi bayanatchisi ging shuang élan qilghan bayanatida, amérikining teywenge urush ayropilani sétip bérish pilanidin baldurraq waz kéchishi we teywen hökümiti bilen barliq herbiy munasiwetlirige xatime bérishi kéreklikini éytti.

eger amérika hökümiti urush ayropilani sétip bérish qararidin waz kechmise, bu sodida orun alghan barliq amérika shirketlirige xitayning émbargo yürgüzüshni pilanlighanliqini tekitligen ging shuang yürgüzülidighan émbargolarning qandaq bolidighanliqi heqqide melumat bermidi.

amérika mudapie we bixeterlik hemkarliq ajantasi teripidin élan qilinghan bayanatta, «amérika tashqi ishlar ministirliqi teywenning wishingitonda turushluq taypéy iqtisad we kültür ish bijirish orni bilen omumiy qimmiti 8 milyard dollarliq 66 dane «F-16C/D Blok 70» urush ayropilani we kéreklik eslihelirini sétip bérish kélishimini testiqlidi» déyilgen idi.

bayanatta yene, bu sodining testiqlanghanliqi heqqide palatagha melumat bérilgenliki qeyt qilinghan idi.  


خەتكۈچ: tehdit , amérika , xitay

مۇناسىۋەتلىك خەۋەرلەر