әнглийәниң хоңкоңдики консулханисиниң бир хадими хитайда назарәт астиға елинди

түркийә авази радийоси хәвири: әнглийәниң хоңкоңдики консулханисида ишләйдиған 28 йашлиқ симон чең, шинҗиндики хизмәт зийаритини ахирлаштуруп, 8 – авғустта хоңкоңға қайтип келәтти. бирақ чеңниң сиңлиси «гуардиан» гезитигә байанат берип, шу күндин буйан чеңниң из – дерикиниң йоқлуқини, униң ахирқи қетим «чеградин өтүшкә тәййарландим. маңа дуа қил» дәп учур йазғанлиқини билдүрди.

әнглийә ташқи ишлар вә милләтләр ишлири ишханиси, чеңниң хитайниң намәлум бир йеридә намәлум сәвәбләр түпәйли назарәт астиға елинғанлиқини уқтурди.

хоңкоңдики җинайи ишлар гумандарлириниң хитайға қайтуруп берилишигә асанчилиқ туғдурушни мәзмун қилған қанун лайиһәсигә қарши башланған намайишларниң хитайға қарши намайишларға айлинип кетишидин кейин, йиллардин буйан хоңкоңда һәққи барлиқини илгири сүрүп келиватқан  әнглийә билән хитай арисида соғуқчилиқ йүз бәргәниди.