nétanyahu israiliyening iranning iraqtiki herbiy orunlirini bombardiman qilghanliqigha ima qildi

türkiye awazi radiyosi xewiri: bunyamin nétanyahu dölet ishliri ziyaritide boluwatqan ukrainaning paytexti kiyéwda israiliyelik muxbirlarning soallirigha jawab berdi؛ u, israiliyening iyul éyida iraqtiki iran herbiy orunlirini bombardiman qilghanliqigha dair uchurlar toghrisidiki bir soalgha «iran héchbir yerde chéqilalmasliq hoquqigha ige emes» dep jawab bérish arqiliq mezkur hujumni israiliye armiyesining ishqa ashurghanliqigha ima qilip ötti.

nétanyahu yene, iranning israiliyeni «yoqitip tashlaydighanliqini éytip tehdit salghanliqi» ni we bu nishangha yétish üchün ottura sherqte herbiy bazilarni qurushni dawamlashturuwatqanliqini ilgiri sürüp, «ular (iran) gha qarshi qedem tashlashni dawamlashturimiz we nöwette qeyerde zörür bolsa, tégishlik qedemlerni tashlaymiz» dégenlerni qeyt qildi.

israiliyening, 19 – iyulda F-35 urush ayropilanini ishqa sélip iraqning salahuddin wilayitidiki amirli herbiy lagérini, 28 – iyulda paytext baghdadning sherqiy shimalidiki iranning bashqurulidighan bomba supilirining barliqini ilgiri sürgen bir herbiy bazini bombardiman qilghanliqi ilgiri sürülgen bolsimu, israiliye dairiliri bu heqte héchqandaq bayanat bermigenidi.