iranning néfit paraxoti jebelitariqtin ayrildi
jebelitariq dairiliri teripidin toxtitip qoyulghan iran néfit paraxoti, jebelitariq yuqiri sot mehkimisining qoyup bérish qararidin kéyin yolgha chiqti.
türkiye awazi radiyosi xewiri: jebelitariqta chiqidighan «Gibraltar Chronicle» namliq mehelliy gézitning xewer qilishiche, ismi «Grace-1» din «Adrian Darya-1» ge özgertilgen iran néfit paraxoti, jebelitariqtin tünügün shu jay waqti saet 23 tin 30 minut ötkende sherqiy aqdéngizgha qarap yolgha chiqqan.
iranning londonda turushluq bash elchisi hamid baeidin nijad tünügün tiwittér adrési arqiliq bayanat bérip, jebelitariq dairiliri 4 – iyulda toxtitip qoyghan, ötken hepte qoyup bérishni qarar qilghan néfit paraxotining yolgha chiqishining kütülüwatqanliqini uqturghanidi.
jebelitariq hökümitimu tünügün bayanat élan qilip, amérika qoshma ishtatliri teripidin térrorluq teshkilatliri tizimlikige kirgüzülgen «iran inqilab muhapizetchiliri» bilen alaqisi barliqini ilgiri sürülgen halda «néfit paraxotini musadire qilish telipi»ning ret qilinghanliqini uqturghanidi.
bayanatta, yawropa ittipaqining irangha yürgüzgen émbargolirining amérika qoshma ishtatlirining émbargosidin tar dairilik ikenliki xatiritilgen halda, bu döletni néfit paraxotini musadire qilish telipining qobul qilinmighanliqi qeyt qilinghanidi.
