kabulda mushu yilning béshidin buyanqi eng qanliq térrorluq hujumi yüz berdi
afghanistanning paytexti kabuldiki bir toy merikisi zalida tünügün yüz bergen adem bomba hujumida ölgenlerning sani élan qilindi.
türkiye awazi radiyosi xewiri: afghanistanning paytexti kabuldiki bir toy merikisi zalida tünügün yüz bergen adem bomba hujumida ayallar we balilarni öz ichige jemiy 63 kishining jénidin ayrilghanliqi, 182 kishining yarilanghanliqi bildürüldi.
kabulning 6 – nomurluq bixeterlik rayonidiki «qesri dubey» namliq bir toy merikisi zalida tünügün shu jay waqti saet 22 din 40 minut ötkende adem bomba hujumi yüz bergenliki, hujumchining bedinige téngiwalghan partlatquchni naxshichilar turuwatqan, balilar we bashqa toy ishtirakchiliri köngül échiwatqan sehnige yéqin jayda partlatqanliqi qeyt qilindi.
afghanistan pirézidéntliq mehkimisi bayanatchisi sadiq siddiqi tiwittér adrési arqiliq bayanat bérip, térrorluq hujumni eyibligen halda, «kabulda toy merikisi zalida sadir qilinghan adem bomba hujumi hemmimizni chongqur qayghugha saldi. bu, xelqimizge qarshi sadir qilinghan peskeshlerche bir hujumdur» dédi.
paytext kabulning hazara shieliri topliship olturaqlashqan gherbiy qismida yüz bergen bu hujum, afghanistanda bu yilning béshidin buyan sadir qilinghan eng qanliq térrorluq hujumi boldi.
hazirghiche héchqandaq terep hujumning jawabkarliqini üstige almidi. taliban térrorluq teshkilatimu hujumni eyiblep bayanat élan qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
