tünügün bir jamede yüz bergen bomba hujumda taliban rehbiri suyiqesttin qutulup qaldi

pakistanning jenubida tünügün bir jamege qilinghan bomba hujumda 5 kishi ölüp 20 din artuq kishi yaridar bolghan idi.

tünügün bir jamede yüz bergen bomba hujumda taliban rehbiri suyiqesttin qutulup qaldi

türkiye awazi radiyosi xewiri: jamege qilinghan bomba hujumning esli nishanining taliban rehbiri heybetullah axunzade ikenliki ilgiri sürülmekte.

qatarning eljezire téléwiziye qanilining talibanni menbe körsitip élan qilghan xewirige asaslanghanda, pakistanning jenubidiki kueyta shehirige yéqin quchlaq yézisida jüme namizi esnasida jamening munbiri astigha orunlashturulghan saetlik bomba partlash weqsi yüz bergen bolup, hujumning esli nishani taliban rehbiri axunzade iken.

xewerde, jüme namizi üchün jamege kélishi mölcherlengen heybetullah axunzadening hujum nishani qilinghanliqi, biraq axunzadening namazgha az qalghanda pirogrammisini özgertip jamege kelmigenliki üchün suyiqesttin qutulup qalghanliqi ilgiri sürüldi.

kueyta shehiri saqchi mesulliri, bomba hujumida taliban rehbiri heybetullah axunzadening dadisi muhemmed xan we énisi hemdullahning ölgenlikini, oghli ehmedullahning bolsa yaridar bolghanlar qatarida ikenlikini uqturdi.

hujumning jawabkarliqini téxiche héch qaysi guruppa öz üstige almidi.

 


خەتكۈچ: taliban , pakistan , bomba hujumi

مۇناسىۋەتلىك خەۋەرلەر