yemende minglarche kishi öldi

birleshken döletler teshkilati insaniy munasiwetler maslashturush ishxanisi yemende biwasite yaki wasitilik halda 320 ming kishining ölüp ketkenlikini jakarlidi.

yemende minglarche kishi öldi

türkiye awazi radiyosi xewiri:  birleshken döletler teshkilati insaniy munasiwetler maslashturush ishxanisining maslashturghuchisi lisé grandé, seudi erebistan bashchiliqidiki ittipaqdash küchliri teripidin  yekshenbe  küni yemenning hejje wilayitide élip bérilghan we 6 si bala bolup, 12 kishining jénigha zamin  bolghan hawa hujumidin kéyin, ammiwi ortaqlishish tor béti Twitter sehipiside élan qilghan bayanatida,  yemende biwasite yaki wasitilik halda 320 ming kishining ölüp ketkenlikini, jümlidin yemende puqralargha qarita yol qoyuluwatqan qattiq qolluq siyasetliri we zorawanliq weqelirining barghanséri ewj élip kétiwatqanliqini, buni qobul qilishning mumkin emeslikini, bu insaniy tiragédiyege derhal xatime bérishning zörürlükini tekitlep mundaq dédi: «yemen xelqining bu derd – elemlerni tartishining héchqandaq sewebi yoq, aililerning yéqin – yoruqliri bilen qurban héytni tebrikleydighan qutluq bir künde yéqinliridin ayrilip qélishi tolimu epsuslinarliq ishtur.»

uzundin buyan siyasiy muqimsizliq höküm sürüwatqan yemende, husiylar bilen hökümetke qarashliq küchler otturisida toqunushlar yüz bermekte.

husiylar 2014 – yili séntebirdin buyan paytext sana we bezi rayonlarni kontirol qilmaqta, seudi erebistan bashchiliqidiki ittipaqdash küchliri bolsa, 2015 – yili marttin buyan husiylargha qarshi yemen hökümitige yardem bermekte.

yemende texminen 5 yildin buyan dawamlishiwatqan toqunushlarda minglarche kishi hayatidin ayrildi. dunya boyiche eng namrat döletler qataridin orun alghan yemende, ichki urush sewebidin barghanséri yamanlishiwatqan insaniy tiragédiye qorqunuchluq sewiyege yetti.



مۇناسىۋەتلىك خەۋەرلەر