йәмәндә миңларчә киши өлди

бирләшкән дөләтләр тәшкилати инсаний мунасивәтләр маслаштуруш ишханиси йәмәндә биваситә йаки васитилик һалда 320 миң кишиниң өлүп кәткәнликини җакарлиди.

йәмәндә миңларчә киши өлди

түркийә авази радийоси хәвири:  бирләшкән дөләтләр тәшкилати инсаний мунасивәтләр маслаштуруш ишханисиниң маслаштурғучиси лисе гранде, сәуди әрәбистан башчилиқидики иттипақдаш күчлири тәрипидин  йәкшәнбә  күни йәмәнниң һәҗҗә вилайитидә елип берилған вә 6 си бала болуп, 12 кишиниң җениға замин  болған һава һуҗумидин кейин, аммиви ортақлишиш тор бети Twitter сәһиписидә елан қилған байанатида,  йәмәндә биваситә йаки васитилик һалда 320 миң кишиниң өлүп кәткәнликини, җүмлидин йәмәндә пуқраларға қарита йол қойулуватқан қаттиқ қоллуқ сийасәтлири вә зораванлиқ вәқәлириниң барғансери әвҗ елип кетиватқанлиқини, буни қобул қилишниң мумкин әмәсликини, бу инсаний тирагедийәгә дәрһал хатимә беришниң зөрүрлүкини тәкитләп мундақ деди: «йәмән хәлқиниң бу дәрд – әләмләрни тартишиниң һечқандақ сәвәби йоқ, аилиләрниң йеқин – йоруқлири билән қурбан һейтни тәбрикләйдиған қутлуқ бир күндә йеқинлиридин айрилип қелиши толиму әпсуслинарлиқ иштур.»

узундин буйан сийасий муқимсизлиқ һөкүм сүрүватқан йәмәндә, һусийлар билән һөкүмәткә қарашлиқ күчләр оттурисида тоқунушлар йүз бәрмәктә.

һусийлар 2014 – йили сентәбирдин буйан пайтәхт сана вә бәзи районларни контирол қилмақта, сәуди әрәбистан башчилиқидики иттипақдаш күчлири болса, 2015 – йили марттин буйан һусийларға қарши йәмән һөкүмитигә йардәм бәрмәктә.

йәмәндә тәхминән 5 йилдин буйан давамлишиватқан тоқунушларда миңларчә киши һайатидин айрилди. дунйа бойичә әң намрат дөләтләр қатаридин орун алған йәмәндә, ички уруш сәвәбидин барғансери йаманлишиватқан инсаний тирагедийә қорқунучлуқ сәвийәгә йәтти.



مۇناسىۋەتلىك خەۋەرلەر