xongkongda namayishchilar bilen saqchilar toqunushti

xitayning xongkong alahide memuriy rayonida jinayetchilerning xitaygha qayturup bérilish qanun teklipige qarshi xongkong xelqara ayrodurumida ötküzülüwatqan namayishlar jeryanida namayishchilar bilen saqchilar otturisida toqunush yüz berdi.

xongkongda namayishchilar bilen saqchilar toqunushti

türkiye awazi radiyosi xewiri: tünügün shu jay waqti saet 16.30 din étibaren uchushlarning bikar qilinishigha seweb bolghan we ayrodurumni boshitishni ret qilghan namayishchilargha qarshi saqchilar yash aqquzush bombisi we saqchi kaltiki bilen mudaxile qildi.

namayishchilarning tosuqlar bilen saqchilarning ayrodurumgha kirishining aldini élishqa urunushi jeryanida saqchilar bilen namayishchilar otturisida yüz bergen toqunushlarda her ikki tereptin yarilanghanlar boldi.

xongkongda üstidin hökümname élan qilinghan yaki jinayet artilghan kishilerning xitaygha, awmén alahide memuriy rayonigha we teywenge qayturup bérilishini qolaylashturidighan qanun teklipi 3 aprél küni parlaméntqa sunulghanidi.

melumatlargha qarighanda, mezkur qanun teklipige asasen, siyasiy jinayetchiler xitaygha qayturup bérilmeydiken. biraq, 7.4 milyon nomusqa ige xongkongda xelqning köp qismi, insanlarning xitayning edliye sistémisi nami astida xalighanche qolgha élish, adil bolmighan edliye basquchlirigha, hetta ten jazisigha uchrash siyastidin qattiq endishe qilidiken.

öktichiler, qanun teklipi qanunlashqan teqdirde, buning xitayning xongkongdiki siyasiy öktichilerni basturushi bilen netijilinishidin qattiq endishe qilmaqta iken.



مۇناسىۋەتلىك خەۋەرلەر