хоңкоңда намайишчилар билән сақчилар тоқунушти

хитайниң хоңкоң алаһидә мәмурий районида җинайәтчиләрниң хитайға қайтуруп берилиш қанун тәклипигә қарши хоңкоң хәлқара айродурумида өткүзүлүватқан намайишлар җәрйанида намайишчилар билән сақчилар оттурисида тоқунуш йүз бәрди.

хоңкоңда намайишчилар билән сақчилар тоқунушти

түркийә авази радийоси хәвири: түнүгүн шу җай вақти саәт 16.30 дин етибарән учушларниң бикар қилинишиға сәвәб болған вә айродурумни бошитишни рәт қилған намайишчиларға қарши сақчилар йаш аққузуш бомбиси вә сақчи калтики билән мудахилә қилди.

намайишчиларниң тосуқлар билән сақчиларниң айродурумға киришиниң алдини елишқа урунуши җәрйанида сақчилар билән намайишчилар оттурисида йүз бәргән тоқунушларда һәр икки тәрәптин йариланғанлар болди.

хоңкоңда үстидин һөкүмнамә елан қилинған йаки җинайәт артилған кишиләрниң хитайға, авмен алаһидә мәмурий райониға вә тәйвәнгә қайтуруп берилишини қолайлаштуридиған қанун тәклипи 3 апрел күни парламентқа сунулғаниди.

мәлуматларға қариғанда, мәзкур қанун тәклипигә асасән, сийасий җинайәтчиләр хитайға қайтуруп берилмәйдикән. бирақ, 7.4 милйон номусқа игә хоңкоңда хәлқниң көп қисми, инсанларниң хитайниң әдлийә системиси нами астида халиғанчә қолға елиш, адил болмиған әдлийә басқучлириға, һәтта тән җазисиға учраш сийастидин қаттиқ әндишә қилидикән.

өктичиләр, қанун тәклипи қанунлашқан тәқдирдә, буниң хитайниң хоңкоңдики сийасий өктичиләрни бастуруши билән нәтиҗилинишидин қаттиқ әндишә қилмақта икән.



مۇناسىۋەتلىك خەۋەرلەر