amérika – taliban söhbiti axirlashti
amérika qoshma ishtatliri bilen taliban otturisida qatarning paytexti dohada ötküzülüwatqan 8 – qétimliq söhbet axirlashti.
türkiye awazi radiyosi xewiri: taliban bayanatchisi zebihullah mujahid, merkizi qatardiki «‹eljezire› téléwiziye qanili» ning ziyaritini qobul qilghanda bergen bayanatida, taliban bilen amérika qoshma ishtatliri otturisida qatarning paytexti dohada ötküzülüwatqan 8 – qétimliq söhbetning axirlashqanliqini, bu söhbetlerning nahayiti uzungha sozulghan bolsimu, lékin netijisining ünümlük bolghanliqini qeyt qilghan.
u yene, her ikki terepning rehberliri bilen kelgüside tashlinidighan qedemler heqqide kéngesh élip baridighanliqinimu sözlirige ilawe qilghan.
qatar emiri sheyx temim bin hemed alsani bilen amérika qoshma ishtatliri pirézidénti donald tramp peyshenbe küni téléfonda körüshüp, taliban bilen amérika otturisidiki özgirishler heqqide muzakire élip barghanidi.