qalin bolton bilen téléfonda körüshti

jumhur reislik sariyi bayanatchisi ibrahim qalin amérika qoshma ishtatliri dölet xewpsizlik ishliri meslihetchisi jon bolton bilen téléfonda körüshti.

1251075
qalin bolton bilen téléfonda körüshti

türkiye awazi radiyosi xewiri: jumhur reislik sariyi bayanat ishlirining bildürüshiche, téléfon söhbitide, qalin türkiyening bixeterlik sezgürlüki nezerde tutulup, süriyening shimalida biterep rayon teshkil qilinishi toghruluq hasil qilinghan kélishimning eng qisqa waqit ichide ijra qilinishqa bashlinishining zörürlükini tekitligen. shuning bilen bir waqitta, biterep rayon teshkil qilinish arqiliq térrorluq karidorining «tinchliq karidori» gha aylandurulidighanliqini, buning yurt – makanliridin ayrilip qalghan süriyeliklerning bixeter halda öz dölitige qaytishini ishqa ashurushta muhim rol oynaydighanliqini qeyt qilghan.

téléfon söhbitide yene, amérika qoshma ishtatliri bilen mas qedemde qurulushi qararlashturulghan ortaq heriket merkizining derhal paaliyet élip bérishqa bashlishining muhimliqi, süriyede qurulghusi asasiy qanun komitéti we siyasiy ötkünchi basquchni tézleshtürüsh qatarliq mesililer muzakire qilinghan. shuning bilen bir waqitta, ikki tereplik soda hejmini ashurushqa qarita qedemlerni tashlashning, amérika qoshma ishtatliri soda ishliri ministiri wilbur rosning séntebir éyida türkiyege qilidighan ziyaretning muhimliqi tekitlengen, hemde amérika qoshma ishtatliri pirézidénti donald trampning bu yil türkiyege élip bérishi pilanliniwatqan ziyaritining tepsilati toghriliqmu özara pikir almashturulghan.



مۇناسىۋەتلىك خەۋەرلەر